{"id":291,"date":"2018-12-05T23:33:57","date_gmt":"2018-12-05T23:33:57","guid":{"rendered":"https:\/\/troncasdenadal.es\/?p=291"},"modified":"2024-02-15T04:53:02","modified_gmt":"2024-02-15T04:53:02","slug":"pasos-do-ritual-da-tronca-de-nadal","status":"publish","type":"post","link":"https:\/\/troncasdenadal.religada.com\/?p=291","title":{"rendered":"Pasos d'o ritual d'a Tronca de Nadal"},"content":{"rendered":"

<\/p>\n

A tradizión nos diz que en as vispras de Nueibuena (u en ixe mesmo diya) s’ha de trigar a millor toza que bi aiga entre a fusta que se tienga alzata ta cremar en o ibierno. Dimpués, ye importantismo que ixe tizón, a nuestra tronca, se meta a o canto d’o fogaril ta que a culera se le caliente amonico, e tamién que os chicorrons d’a casa le den a minchar, pues a fin ye que siga presta ta cagar muitas cosas en a nuei de Nueibuena. Ta guaranzar que tienga a culera bien calién, en muitas casas, antimás de dixar a tronca a o canto d’a chaminera, se le mete una manteta denzima.<\/p>\n

<\/div>

\"hogar-fuego-tronca<\/div><\/div>
<\/p>\n

A nuei de Nueibuena caldrá ‘bendezir’ a tronca chitando-le uns chorrupos d’o millor vin d’a casa (u de cualisquier atro espritoso d’ixos que tienen ‘poders machicos’) e dezindo unas parolas, cosa que ferán con muita solemnidat as presonas más viellas d’a casa chunto con os más chicorrons. Dimpués, os ninons podrán, a la fin, fer cagar a o tizón. Si se l’ha dau bien a minchar en as vispras e a suya culera ye estada bien calenteta, cuan os ninos devanten a manteta que zaboya a suya culera, bi abrá buena cosa de regalez e lamins. Ta fer-la cagar, os ninons abrán de dar-le firmes tochazos con un tochet e dezir-le tanimientras unas paroletas machicas, entre atas, istas que replega Enrique Satué en o suyo libro As crabetas. Libro-museo sobre la infancia tradicional del Pirineo:<\/p>\n

En Liri:<\/strong><\/p>\n

\n

“En honra, gloria y alabanza del nacimiento temporal del hijo de Dios en el portal de Belén y para que renazca en nuestros corazones”<\/em><\/p>\n<\/blockquote>\n

En a zona zentral:<\/strong><\/p>\n

\n

“Buen tizón, buen varón, buena brasa, buena casa. Dios mantenga al amo y a la dueña de esta casa. Tú eres negro, yo soy blanco y en a tripa te me zamplo”<\/em><\/p>\n<\/blockquote>\n

En Onzins:<\/strong><\/p>\n

\n

“Buen tizón, buen varón, buena brasa, buena casa. Dios mantenga al amo y a la dueña de esta casa. Paz, pan y vino en esta casa”<\/em><\/p>\n<\/blockquote>\n

En Castilló de Sos:<\/strong><\/p>\n

\n

“Rabasa de Navidat, caga turrón de verdat”<\/em><\/p>\n<\/blockquote>\n

En Ansó:<\/strong><\/p>\n

\n

“Pare, baguera, pare turrón”<\/em><\/p>\n<\/blockquote>\n

En Otal:<\/strong><\/p>\n

\n

“Bebe tizón, bebe tizón. Tú por a boca y yo por o garganchón”<\/em><\/p>\n<\/blockquote>\n

Istas parolas, de vez que ferán cagar a la tronca buena cosa de regalez ta la catrinalla, tendrán una fin ritual, de proteczión d’a casa e d’a familia, guaranzando una atra añada de suarde e salut.<\/p>\n

En zagueras, cal remerar que iste ritual no remata en a nuei de Nueibuena, sino que s’estendilla bels diyas más, en muitos puestos dica a fin d’as fiestas nadalencas. Asinas, en bels puestos a tronca prenzipia a cremar-se en a nuei de Nueibuena, dimpués d’estar ‘bendezida’ e de cagar, pero lo fa mientras bels diyas, dica o diya de Reis. Tamién ye de dar que as zenisas que dimanan d’a crema d’ixe troz de fusta s’estendillen por os ortals, os campos, ezt., ta guaranzar que, con o suyo poder machico, aduyen a que a venién cullita siga bueniza e no falten os diners e o minchar l’añada venién.<\/p>\n

<\/div><\/div><\/div><\/div><\/section>